Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 335 Hüküm no: 840 Orijinal metin no: [103a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Burhan b. Hasan’ın ödünç verdiği Manol b. Toma’dan alacağını istemesi Sebeb-i tahrîr-i sicil budur ki Karye-i Bulgurlu’dan Burhan b. Hasan meclis-i şer‘a gelip bilesine karye-i Kadı’dan Manol b. Toma’yı ihzâr edip üzerine takrîr-i da‘vâ kılıp dedi ki karz-ı hasenden altı yüz ve kaftan bahâsı iki yüz cem‘an sekiz yüz akçem vardır hâliyâ taleb ederim deyicek mezbûr Manol’den istifsâr olundukda bi’l-mukābele inkâr eyledi gıbbe’l-[i]nkâr müdde‘î-і mezbûrun da‘vâsına muvâfık beyyine taleb olundu udûl-і müslimînden Durmuş b. Dündar ve Mahmud Hallâc edâ-і şehâdet-і şer‘iyye kılıp dediler ki biz şâhidleriz ve şehâdet dahi ederiz ki mezkûr Burhan’ın mezkûr Manol zimmetinde karz-ı hasenden altı yüz ve kaftan bahâsından iki yüz cem‘an mezkûr Manol zimmetinde sekiz yüz akçe elân zimmetindedir deyû şehâdet eylediklerinden sonra şâhidân-ı mezbûrânın şehâdetleri ba‘de’t-tezkiyye ve’t-tahlîf hayyiz-і kabûlde vâkī‘ oldukdan sonra meblağ-ı mezbûr sekiz yüz akçeyi mezbûr Burhan’a hükm edip sicil olundu. Tahrîren fî evâhirі Rebi‘ilâhir li sene isnâ ve erba‘în ve tis‘a mi’e. Şuhûdü’l-hâl: El-Hacı Kepçe b. Abdi, Hızır b. Ahmed, Bâli b. Aslıhan ve kâtibü’l-hurûf ve gayruhüm. Muhzır Mustafa meblağ-ı mezbûra havâle ta‘yîn olundu.