Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 337 Hüküm no: 846 Orijinal metin no: [104a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emir b. Mustafa’nın ölen Kara Lütfi’den alacaklı olduğu Hüccet yazıla Sebeb-i tahrîr-i sicil budur ki Emir b. Mustafa meclis-i şer‘a gelip bilesine karye-i ( ) Ali b. Lütfi ihzâr edip üzerine takrîr-i da‘vâ kılıp dedi ki bundan akdem mezkûr Ali’nin babası Kara Lütfi’ye karz-ı hasen bin akçe vermiştim hâliyâ fevt olup üzerinde kaldı ben de mezbûr Ali[’den] Üsküdar’a gelip meblağ-ı mezbûru taleb eylediğimde babam senin akçeni ikrâr eyledi amma fevt olup üzerinde kaldığın isbât eyle dedi hâliyâ akçem taleb ederim deyicek mezkûr Ali’den istifsâr olundukda bi’l-mukābele bu ma‘nâyı inkâr eyledi gıbbe’l-[i]nkâr müdde‘î-і mezbûrun da‘vâsına muvâfık beyyine taleb olundu udûl-і müslimînden Sinan b. Turud ve Pîrî b. İbrahim edâ-i şehâdet-і şer‘iyye kılıp dediler ki biz şâhidleriz ve şehâdet dahi ederiz ki mezkûr Ali bundan esbak Üsküdar’a geldikde mezkûr Emir meblağ-ı mezbûru mezkûr Ali’den taleb eyledikde mezkûr Ali ikrâr edip babam Kara Lütfi’ye bin akçe verdiğin ma‘lûmumdur vasiyyet etti amma fevt olup üzerinde kaldığına isbât eyle dedi deyicek mezbûrânın şehâdetleri ba‘de’t-tezkiyye hayyiz-і kabûlde vâkī‘ oldukdan sonra meblağ-ı mezbûr mezkûr Emir b. Mustafa’ya hükm olunup sicil olundu. Tahrîren fî evâhiri Rebi‘ilâhir sene 942. Meblağ-ı mezbûra muhzır Hızır havâle ta‘yîn olundu. Şuhûdü’l-hâl: Ramazan b. Ahmed ve Bâli b. Aslıhan, Mustafa b. Mehmed ve Kâtib el-Fakīr.