Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 340 Hüküm no: 851 Orijinal metin no: [105a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kasım b. Abdullah’ın kaybolan Finibrek’e bostan mukataası borcu olduğu Vech-i kaziyye budur ki Yava [ve] beytülmâl zâbit[i] olan İskender b. Abdullah meclis-i şer‘a gelip bilesine Kāsım b. Abdullah ihzâr edip üzerine takrîr-i da‘vâ kılıp dedi ki Finibrek nâm levend zimmîden mezkûr Kāsım b. Abdullah yüz yetmiş akçeye mukāta‘aya bir bostan alıp mezkûr Finibrek gaybet-і münkatı‘la gāib olan metrûkâtı beytülmâle müteveccih olup hâliyâ taleb ederim deyicek mezkûr Kāsım’dan istifsâr olundukda bi’l-mukābele yüz kırk akçesin ikrâr edip mezkûr talebiyle sicil olundu. Tahrîren fî evâhirі Rebi‘ilâhir li sene isnâ ve erba‘în ve tis‘a mi’e. Şuhûdü’l-hâl: Ramazan b. Ahmed ve Hızır b. Ahmed ve Mustafa b. Mehmed ve kâtibü’l-hurûf ve gayruhüm.