Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 342 Hüküm no: 857 Orijinal metin no: [106a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen İbrahim b. Hızır’ın iki küçük kızının bakımlarını vasî Hacı Lütfi’nin üstlendiği Sebeb-i tahrîr-i sicil budur ki Kasaba-і Üsküdar’dan İbrahim b. Hızır fevt olup iki sagīre oğlu kalıp mezkûr yetimlere üç akçe nafaka takdîr olup vâlidesi Zâhide ile olurken hâliyâ mezbûre Zâhide âhara vardıktan sonra hakk-ı hidâneyle mezbûrân yetimler ebesi Dürricihân’a hükm olundukdan sonra müteveffâ-yı mezbûrun eytâmına kıbel-і şer‘den vasî olan el-Hacı Lütfi b. el-Hacı Hüseyin meclis-і şer‘a gelip dedi ki vasî olduğum Mehmed’i ben hasbetenlillâh bi gayrі nafakatin beslerim dedikde hakk-ı hidânesi olan ebesi Dürricihân ben bi gayrі nafakatin beslemezin dediği hüsn-і rızâsıyla mezkûr vasî bi gayr-і nafakatin beslemeğe mültezim olmağın mezkûr Mehmed’i mezkûr vasî el-Hacı Lütfi b. el-Hacı Hüseyin’e teslîm olup mâ hüve’l-vâkī‘ sicil olundu. Tahrîren fî gurretі evvelі Cemâzeyn sene isnâ ve erba‘în ve tis‘a mi’e. Şuhûdü’l-hâl: Behlül b. Süleyman, el-Hacı Süleyman b. Abdi, Abdi b. el-Hacı Lütfi, Hızır b. Ahmed ve kâtibü’l-hurûf.