Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 346 Hüküm no: 866 Orijinal metin no: [107b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Manol b. Toma’nın Mehmed b. Mutaf’a olan borcu için evini rehin verdiği Sebeb-i tahrîr-i sicil budur ki Mehmed b. Mutaf[’a] vekîl olan Burhan b. Hasan ba‘de sübût şer‘an karye-i Kadı’dan Manol b. Toma ile şer‘-i şerîfe hâzırân olup mezkûr Manol bi’l-muvâcehe ikrâr ve i‘tirâf kılıp dedi ki mezkûr Mutaf’a sekiz yüz yirmi akçe deynim olup hâliyâ zikr olan deynim için karye-i mezbûrda mülkiyyet üzre mutasarrıf olduğum evim tevâbi‘ ve levâhıkıyla hudûd ınde’l-ahâlî ma‘lûmdur zikr olan evimi mezbûr Burhan’a rehin tarîk[iy]le verdim deyicek ikrâr Burhan talebiyle sicil olundu. Tahrîren fî gurretі Cemâziyelâhir sene 942. Şuhûdü’l-hâl: Ali b. Abdullah, Hoca Pîrî b. Hızır, Ali b. Veli ve Bâli b. Aslıhan ve gayruhüm.