Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 347 Hüküm no: 870 Orijinal metin no: [108a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gebze’de ölen Mehmed’in terekesindeki merkebin Hızır b. Sinan’a ait olduğu Sebeb-i tahrîr-i sicil budur ki Mevlânâ Hızır b. Sinan şer‘-i şerîf-і Nebevî’de ikrâr edip dedi ki işbu Mevlânâ Hasan b. Murad merkeb husûsuna vekîlim olsun dedikde mezbûr Hasan kabûl edip ve hem merkeb mezbûr Hızır’ın mülk idiğine Şemseddin b. Hüseyin ve Mustafa b. İbrahim şehâdet edip dediler ki kasaba-і Gekvize’de fevt olan Mehmed b. ( ) elinde olan siyah merkeb mezbûr Hızır’ın elân mülkü iken Derviş’e binmeğe verdi idi elân beytülmâlci zabt etmiş biz bu husûsa şâhidleriz şehâdet dahi ederiz dediklerinden sonra ba‘de’t-tezkiyyeti’ş-şer‘iyye ve’t-tahlîfeti’l-âdî hayyiz-і kabûlde vâkī‘ olup bi’t-taleb sicil olundu. Tahrîren fî Cemâzi[yelevvel] fî sene 942. Şuhûdü’l-hâl: Mezkûrân.