Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 352 Hüküm no: 885 Orijinal metin no: [110a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Câbi Mustafa’nın Yani b. Frenk ve Yani b. Yorgi’den mukataa bedelinden alacaklı olduğu Sebeb-i tahrîr-i sicil budur ki Karye-i İstavros câbisi olan Mustafa karye-i mezbûreden Yani b. Frenk ve Yani b. Yorgi ile meclis-і şer‘-i şerîfe hâzırân olup mezkûr câbi ikrâr ve i‘tirâf kılıp eyitdi ki sene ihdâ ve selâsîne [erba‘îne] ve tis‘a mi’e yılının monapolyesin ve nısf cerîmesin mezbûrâna altı bin beş yüz akçeye sattım idi dört bin yetmiş sekiz akçesin aldım ve beş yüz akçesin mütevellîye verdik derler eğer mütevellî ikrâr ederse anı dahi kabûl ettim bâkī ikisinin zimmetlerinde bin yüz otuz iki akçe kaldı deyicek mukarrun lehü’l-mezbûrân tasdîk edip bi’t-taleb sicil olundu. Tahrîren fî evâhiri Cemâziyelevvel sene isnâ ve erba‘în ve tis‘a mi’e. Şuhûdü’l-hâl: Hüsam Bey b. Abdullah ve Mustafa b. Kasap Mahmud ve Şahkulu b. Mehmed ve Kılavuz b. Aslıhan ve gayruhüm mine’l-hâzırîn.