Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 365 Hüküm no: 913 Orijinal metin no: [114b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Macar asıllı kaçak kölenin Yusuf b. Abdullah’a ait olduğu Sebeb-i tahrîr-i sicil budur ki Üsküdar emîni olan Mustafa mahbesinde bir orta boylu açık kaşlı kumral sakallı Macarü’l-asl Yusuf nâm abd-і âbıkı Samandıra’dan Şaban b. Toklu gelip mezkûr mevsûf abd-і âbıkı bundan akdem İslâmbol’da esirciden aldım benim kulumdur deyû çıkarmakda iken mahrûse-і İstanbul’dan Murad Paşa mahallesinden Yusuf b. Abdullah zikr olan [kul] benimdir ben sefer-і hümâyûndayken gaybet eylemiş hâliyâ senin zimmetinde buldum deyicek mezkûrun da‘vâsına mutâbık beyyine taleb olundu udûl-і müslimînden ve sikāt-ı muvahhidînden Ahmed b. Abdullah ve İskender b. Abdullah nâm kimesneler mezkûr mevsûf kul mezkûr Yusuf’un kuludur kimesne[ye] bey‘ eylemedi ve hibe dahi eylemedi kendi sefer-і hümâyûndayken gaybet eylemişti deyû şehâdet eylediklerinden sonra şâhidân-ı mezbûrânın şehâdetleri ba‘de’t-tezkiyyeti’ş-şer‘î ve’t-tahlîfi’l-âdî hayyiz-і kabûlde vâkī‘ olup mezkûr mevsûf kul mezbûra hükm olundu ve mezbûrun vakt-і hâcet ihzârına Çalabverdi b. Hasan kefîl olup sicil olundu. Tahrîren fî evâili Cemâziyelâhir sene 942. Şuhûdü’l-hâl: Kara Hüseyin b. Mestân, Kara Hamza b. Şaban, Şaban b. Yusuf, Yakub b. Mehmed, İskender b. Abdullah.