Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 371 Hüküm no: 931 Orijinal metin no: [116b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Manol b. Manol ve kardeşi Dimitri’nin miras kalan evlerini Zoyi Flori bt. İstefan’a sattıkları Sebeb-i tahrîr-i sicil budur ki Mahrûse-і İslâmbol’dan balıkçıyân zümresinden Manol b. Manol ve karındaşı Dimitri karye-i Çengel’den Zoyi Flori bt. İstefan ile mahfil-і şer‘a hâzırûn olup mezkûrân zimmîler mezkûr Zoyi Flori mukābelesinde ikrâr ve i‘tirâf kılıp dediler ki ammimiz Papaz fevt olup cihet-і irsle karye-i mezkûrda mülkiyyet üzre mutasarrıf olduğu mülk evi bize intikāl edip hâliyâ zikr olan ev mahdûddur kıbleten Hüseyin b. Abdullah ve şarkan tarîk-і âm ve şimâlen mezkûr Manol mülküne ve garben deryâya muttasıldır işbu hudûd-ı erba‘a dâhilinde olan evimizi mezbûre Zoyi Flori’ye bin akçeye bey‘ edip semen-і mezbûru alıp zikr olan evi mezbûr[e]ye teslîm eyledik dediklerinden sonra ikrârları sicil olundu. Tahrîren [fî] evâilі Safer li sene 942.