Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 416 Hüküm no: 1012 Orijinal metin no: [134b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaçak kölenin müzayede ile satıldığı Sebeb-i tahrîr-i sicil budur ki Bir abd-і âbık evsatü’l-kāme, asferü’l-levn, açık kaşlı, kösecü’l-lihye, eğninde ak aba ve gök kaftan köhne bogasi, ayağında Selânik köhne çakşır ve postal papuç Kurt nâm abd-і âbıkı Şidlan nâm kimesne tutup İskender’e teslîm olunup yevmî nafakası için ikişer akçe takdîr olunup tescîl olundu. Tahrîren fi’l-yevmi’t-tâsi‘ aşer min şühûrі Muharremi’l-harâm sene 941. Şuhûdü’l-hâl: Kılavuz b. Aslıhan ve Berber Hasan b. Ahmed ve Pîrî b. Aslıhan ve gayruhüm. Mezkûr mevsûf abd-i âbıkın bi hasebi’l-kānûn müddet-і örfiyyesi tamâm olup bey‘ine icâzet verilip beyne’t-tâlibîn mezâd olunup bin yüz akçeden Kara Mehmed üzerinde mukarrer olup mezbûr Mehmed’e bey‘ olundu. Şuhûdü’l-hâl: Burhan b. Hasan ve Bâli b. Aslıhan ve gayruhüm.