Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 428 Hüküm no: 1043 Orijinal metin no: [139a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Leh asıllı kaçak kölenin sahibine teslim edildiği Sebeb-i tahrîr-i sicil budur ki Bir tavîlü’l-kāme, asferü’l-levn, ala gözlü, eğninde kır aba kaftan ve içinde kır aba zıbın ve ayağında kır aba şalvar ve postal papuç beyaz sahîh Lehiyyü’l-asl İskender nâm abd-і âbıkı kazâ-і Yalakābâd’da Hamza tutup Üsküdar subaşısı Mustafa Bey’e teslîm olunup nafakası için yevmî ikişer akçe takdîr olunup tescîl olundu. Tahrîren fî evâhiri Muharremi’l-harâm sene 941. Şuhûdü’l-hâl: Dede b. Hasan ve Pervâne b. Abdullah ve gayruhüm. Mezkûr mevsûf abd-і âbıkın bi hasebi’l-kānûn müddet-і örfiyyesi tamâm olup beyne’t-tâlibîn mezâd olunup Kasapoğlu Mustafa üzerinde bin akçede karâr edip mezbûra bey‘ olundu mâ hüve’l-vâkī‘ bi’t-taleb tescîl olundu. Şuhûdü’l-hâl: Bâli b. Aslıhan ve Hüsrev b. Yakub Fakīh ve câbi İbrahim b. Gündüz ve gayruhüm.