Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 67 Hüküm no: 22 Orijinal metin no: [4a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Yerakine bt. Manol’ün nikâh parasını halasının istemesi Vech-i tahrîr-i sicil budur ki Karye-i Maltepe’den fevt olan Yerakine bt. Manol zevci Yorgi b. Manol ve ammesi Rine bt. Manol ile meclis-i şer‘a hâzırân olduklarında mezbûre Rine takrîr-i da‘vâ kılıp eyitdi ki müteveffâyı aldığın vakit yedi yüz akçe vermek üzre âyin-i bâtılımız üzre nikâh olundu dedikde mezbûr Yorgi inkâr edip gıbbe’l-inkâr beyyine taleb olunup âciz olundukda mezbûr Yorgi’ye teklîf olunup nükûl ettikde hükm olundu ki bi’t-taleb sicil olundu. Vaka‘a’t-tahrîr fî evâili Receb sene 954. Şuhûdü’l-hâl: Mustafa b. (__), Dimitri b. Tıranoz, Papa Aleksi b. Tıranoz, Papa Nikola b. Yani.