Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 90 Hüküm no: 45 Orijinal metin no: [10a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Karadeniz kenarındaki av alanının temizlenmesine dair hüküm Sûret-i Hükm-i Koru Mefhariyyü’l-kuzât ve’l-hükkâm ma‘denü’l-fazl ve’l-kelâm Gekvize ve Yoros kadıları -zîde fâzluhümâ- tevkî‘-i refî’-i hümâyûn vâsıl olıcak ma‘lûm ola ki, hâliyâ Karadeniz kenarında vâki‘ olan şikârgâhın yolların ağaç ve çalı olup mürûrunda zarûret ve müzâyaka olup ayıklanıb pâk olmasın emr edip buyurdum ki hükm-i şerîf-i vâcibü’l-ittibâ‘ım vusûl bulıcak te’hîr ve terâhî etmeyip kendi nefsinle mübâşeret edip taht-ı kazânızdan olagelen âdet ve kānûn üzre vâfir ve müstevfî âdem ihrâc edip zikr olunan şikârgâhın lâzım olan yolları mu‘accelen tathîr ve pâk ettirmek bâbında dakīka fevt eylemeyesiz husûs-ı mezbûr ehemm-i mühimmâttandır gereği gibi ta‘ahhüd? olup vâfir âdem ihrâc edip fundacıdır deyû kimesneye himâyet eylemeyesiz şöyle bilesiz alâmet-i şerîfe i‘timâd kılasız. Tahrîren fî evâhiri şehri Recebi’l-mürecceb min şuhûri sene selâse ve hamsîne ve tis‘a mie Be makām-ı Kostantıniyye.