Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 94 Hüküm no: 58 Orijinal metin no: [11b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vasilaki bt. Yani’nin gasbettiği yeri Zoyi bt. Malkoç’a geri vermesi Vech-i tahrîr-i sicil budur ki Karye-i Çengel’den Huriye bt. Malkoç ve Vasilaki bt. Yani meclis-i şer‘a hâzır olduklarında mezbûr[e] Zoyi takrîr-i da‘vâ kılıp eyitdi ki evim kurbun[da] bir mikdâr yerim alıp bana hayf etti dedikde mezbûre Vasilaki inkâr ile cevâb vericek mezbûre Zoyi’den beyyine taleb olunup Papa Yani b. Nikola ve Gore b. Yani hâzırân olduklarından sonra arzen bir cânibi bir buçuk zirâ‘ ve bir cânibi bir zirâ‘ ve tûlen sekiz zirâ‘ yer mezbûre Zoyi’nin mülk-i sahîhidir deyû edâ-i şehâdet-i şer‘iyye ettiklerinde ba‘de’t-tezkiyye hayyiz-i kabûlde vâki‘ olup bi’t-taleb sicil olundu. Vaka‘a’t-tahrîr fî evâili Cemâziyelâhir sene 953. Şuhûdü’l-hâl: Karaca b. Yusuf, Kara Yusuf b. Abdullah, Ramazan b. Hüseyin, Kosta b. Markova, Nikola b. Kefale.