Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 97 Hüküm no: 67 Orijinal metin no: [12b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin Bey b. Abdullah’ın tarlasını Petro b. Manol’e sattığı Vech-i tezkire oldur ki Hüseyin Bey b. Abdullah meclis-i şer‘a hâzır olup eyitdi ki karye-i Kuzguncuk’da Petro b. Manol muvâcehesinde ikrâr-ı sahîh ve şer‘î kılıp eyitdi ki karye-i mezbûra tâbi‘ bir kıt‘a tarla ki hudûd bir taraf kendi tarlama ve bir taraf deryâ ve bir tarafı Yani bostanına ve bir taraf Kara Hüseyin tarlasına bu hudûd ile mahdûd olan tarlayı işbu sâhibü’s-sicil Petro b. Manol’e hakk-ı karâr için verdim otuz akçesin aldım üç yüz akçe bâkīdir deyicek bi’l-muvâcehe tasdîk edip sıhhat-i akd mukarrer olup bi’t-taleb sicil olundu. Vaka‘a’t-tahrîr fî evâsıtı Cemâziyelâhir sene 953. Şuhûdü’l-hâl: Süleyman Bey b. Abdülhay, Kara Yusuf b. Abdi, Ramazan b. Hüseyin, Çırak Mahmud b. Mehmed.