Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 100 Hüküm no: 77 Orijinal metin no: [13b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çengelköy İskelesi funda vergisinin İstemad b. Vavela’ya mukâtaaya verildiği Vech-i tahrîr-i sicil budur ki Karye-i Çengel’e âmil olan Nikola b. Kefale Yorgi meclis-i şer‘a hâzır olup eyitdi ki karye-i mezbûrdan İstemad b. Vavela muvâcehesinde ikrâr edip eyitdi ki sene isnâ ve hamsîne ve tis‘a mi’e dâhil olan Mart ibtidâsından yıl tamâmına varınca karye-i mezbûrun iskelesinde funda resmin üç yüz akçe mukāta‘aya verdim dedikde mezbûr İstemad tasdîk edip sıhhat-i mukāta‘a mukarrer olup bi’t-taleb sicil olundu. Vaka‘a’t-tahrîr fî evâili Recebi’l-mürecceb sene 953. Şuhûdü’l-hâl: Çırak Mahmud b. Mehmed, Mustafa b. Mehmed, Papa Yani b. Nikola, Yorgi ve Divali b. Manol ve gayruhüm mine’l-hâzırîn. Mezkûr meblâğ[ı] Nikola b. Kefale aldım kabûl ve kabz ettim deyû bi’t-taleb sicil olundu. Vaka‘a’t-tahrîr fî evâhiri Şevvâl sene 953. Şuhûdü’l-hâl: Fi’l-a‘lâ.