Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 115 Hüküm no: 127 Orijinal metin no: [19b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Latif b. Ali Fakih’in bostanına hayvanların verdiği zararı Samandıra halkının tazmin edeceği Vech-i tahrîr-i sicil budur ki Karye-i Samandıra’dan Latif b. Ali Fakīh meclis-i şer‘a hâzır olup eyitdi ki bostanda ekilmiş maydanos ve lahana ve şalgamın ehl-i karyenin camusları ekl edip ziyân ettiler beş yüz akçe eder dedikde ahâlî-i karyeden Ahmed b. Bakşı ve Hüseyin b. İsâ ve Mürsel b. Durmuş inkâr edip gıbbe’l-inkâr beyyine taleb olunup Hoca Abdullah b. Bahşî ve Kara Yusuf b. Abdullah biz şâhidleriz ve şehâdet ederiz mezkûr Latif’in hâsılından ziyânı üç yüz akçe vardır deyû şehâdet-i şer‘iyye edâ ettiklerinde ba‘de’t-tezkiyye hayyiz-i kabûlde vâki‘ olup bi’t-taleb sicil olundu. Vaka‘a’t-tahrîr fî evâsıtı Ramazâni’l-mübârek sene 953. Şuhûdü’l-hâl: Mevlânâ Muhyiddin b. Dâvud el-Hatîb, Hasan b. Kaya, Mustafa b. Mehmed, Kasım Bey b. Abdullah.