Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 115 Hüküm no: 129 Orijinal metin no: [20a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hayran Abdi b. Hasan’ın, bağının yarı hissesini Rine bt. Doğan’a sattığı Vech-i tahrîr-i sicil budur ki Karye-i Bulgurlu’dan Hayrân Abdi b. Hasan meclis-i şer‘a hâzır olup karye-i Çengel’den Rine bt. Doğan muvâcehesinde ikrâr ve i‘tirâf edip eyitdi ki karye-i mezbûra tâbi‘ bir kıt‘a bağın hudûd bir taraf tarîk-i âm ve bir taraf Nikola bağına ve bir taraf arz-ı hâlî ve bir taraf kezâlik bu hudûd ile mahdûd olan bağın nısf-ı şâyi‘i işbu hâmiletü’l-hüccet Rine bt. Doğan’a bin akçeye bey‘ edip dört yüz otuz akçesin aldım bâkī beş yüz yetmiş kaldı dedikde mezbûre Rine vicâhen ve şifâhen tasdîk edip sıhhat-i bey‘ mukarrer olup bi’t-taleb sicil olundu. Vaka‘a’t-tahrîr fî evâhiri Ramazâni’l-mübârek sene 953. Şuhûdü’l-hâl: Karaca b. Yusuf, Mustafa b. Mehmed, Mustafa b. Hasan, Sarı Musa b. Hüseyin.