Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 131 Hüküm no: 180 Orijinal metin no: [26b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kadıköy âmili Mihal b. Yorgi’nin, bostanını satan Mihal b. Dimitri’den vergi istemesi Vech-i tezkire oldur ki karye-i Kadı’dan âmil olan Mihal b. Yorgi meclis-i şer‘a hâzır olup karye-i mezbûrdan Mihal b. Dimitri Kevgir muvâcehesinde sen bostanı üç bin yüz akçeye bey‘ ettin öşür taleb ederim dedikde mezbûr Mihal dahi bi’l-muvâcehe ikrâr edip bey‘ ettin ba‘dehu bey‘i fesh ettim tekrar bey‘ ettim iki bin beş yüz akçeye bey‘ ettim dedikde mezbûr Mihal inkâr edip Sinadonos b. Manol ve Tıranoz b. Yorgi şehâdet edip iki bin beş yüz akçeye bey‘ ettiler deyû şehâdet-i şer‘iyye edâ ettiklerinde ba‘de’t-tezkiyye hayyiz-i kabûlde vâki‘ olup bi’t-taleb sebt-i sicil olundu. Vaka‘a’t-tahrîr fî evâsıtı Zilka‘de sene 953. Şuhûdü’l-hâl: Câbi Hasan b. Hızır, Mustafa b. Mehmed, Hasan b. Abdullah, Mahmud b. Mehmed ve gayruhüm.