Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 137 Hüküm no: 201 Orijinal metin no: [29b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Yunus’un yerinin tapuya verilmesi Vech-i tahrîr-i sicil budur ki Karye-i Reisli’ye hâliyâ âmil olan Mustafa b. Ahmed meclis-i şer‘a hâzır olup Hamza b. Abdullah muvâcehesinde da‘vâ edip eyitdi ki Yunus nâm kimesne fevt [olup] evlâd-ı zükûru kalmayıp kānûn üzre tapuya müstahak olup dedikde mezbûr Hamza ben zikr olunan yerin üzerine ev binâ ettim on yıldır ki tasarrufumdadır dedikde mezbûr Mustafa inkâr edip mezbûr Hamza’dan on yıl mutasarrıf olduğuna beyyineden âciz olup ehl-i karyeden suâl olundukda sekiz yıl ancak var deyû haber verdiklerinde zikr olunan yer tapuya müstahak olduğuna hükm olundu bi’t-taleb sicil olundu. Vaka‘a’t-tahrîr fî evâili Zilhicce sene 953. Şuhûdü’l-hâl: Hızır b. Ahmed, Hayrân Abdi b. Hasan, Celeb b. Hasan, Yusuf b. Abdullah.