Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 140 Hüküm no: 208 Orijinal metin no: [30b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Yani b. Tirmod’un çiftlik hissesinin tapuya verildiği Vech-i tahrîr-i sicil budur ki Karye-i Çengel’den Yani b. Tirmod mürd olup evlâd-ı zükûru kalmayıp çiftlikten hissesin tapuya müstahak olup karye-i mezbûr âmili olan Nikola b. Kefale bir kıt‘a yer ki hudûd bir taraf Tirmod bağına ve bir taraf Todora bağına ve bir taraf Yorgi tarlasına ve bir taraf haddâd Mihal bağına bu hudûd ile mahdûd olan yeri hâlî olup işbu sâhibü’s-sicil Dimitri Buber’e kırk akçesin alıp tapuya verdim ki kimesne mâni‘ olmaya dedikde mezbûr Dimitri vicâhen tasdîk ettikden sonra bi’t-taleb sicil olundu. Vaka‘a’t-tahrîr fî evâsıtı Zilhicce sene 953. Şuhûdü’l-hâl: Karacapaşa b. Yusuf, Çırak Mahmud b. Mehmed, Ramazan b. Hüseyin, Yusuf b. Abdullah, Mustafa b. Mehmed.