Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 142 Hüküm no: 217 Orijinal metin no: [31b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola b. Nikola’nın Yorgi b. Manol’den bostan bedelinden alacaklı olduğu Vech-i tahrîr-i sicil [budur ki] Karye-i Kadı’dan Nikola b. Nikola nâm zimmî tarafından vekâleti sâbit olan Ali b. Mehmed ve karye-i Kadı’dan Yorgi b. Manol muvâcehesinde takrîr-i da‘vâ kılıp eyitdi ki müvekkilim Nikola’nın bostan bahâsından sende bin elli akçeye senden [taleb] ederim deyip mezbûr Yorgi ben bostanı Lazari b. Kancı nâm kimesneden aldım ana teslîm ettim deyû hüccet ibrâz edip Mevlânâ Alâaddin Halîfe ve Mustafa b. Mehmed şehâdetleriyle mazmûn-ı hüccet sâbit olup hükm olundu bi’t-taleb sicil olundu. Vaka‘a’t-tahrîr fî evâhiri Zilhicce sene 953. Şuhûdü’l-hâl: Mahmud Çelebi b. Sinan, Hamza b. Hızır, Mahmud b. Mehmed ve gayruhüm.