Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 148 Hüküm no: 236 Orijinal metin no: [34b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi b. Yani’nin çatma evini Hızır b. Ahmed’e sattığı Vech-i tahrîr-i sicil budur ki Karye-i Kadı’dan Yorgi b. Yani ikrâr ve i‘tirâf edip eyitdi ki karye-i mezbûra tâbi‘ bir çatma e[v]imi ki hudûd bir cânibi Tıranoz evine ve bir cânibi Dimitri evine ve bir cânibi Manol evine ve bir taraf Yeni bağına işbu hudûd ile mahdûd olan ve bir asmasıyla işbu sâhibü’s-sicil Hızır b. Ahmed’e üç bin akçeye bey‘ ettim dedikde mezbûr Hızır tasdîk ettikden sonra sıhhat-i akd-i bey‘ mukarrer olup bi’t-taleb sicil olundu. Vaka‘a’t-tahrîr fî evâili Muharremi’l-harâm sene 954. Şuhûdü’l-hâl: Eynehan b. Osman, Hamza b. Hızır, Ramazan b. Hamza, Mustafa b. Mehmed, Hasan b. Abdullah.