Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 156 Hüküm no: 261 Orijinal metin no: [38a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Resul b. Hamza ve Mehmed b. Mahmud’un arasındaki anlaşmazlık Vech-i tahrîr-i sicil budur ki Karye-i Samandıra’dan Resul b. Hamza ve Mehmed b. Mahmud cânibinden vekâlet[i] sâbit olan Nasûh b. Hamza meclis-i şer‘a hâzırân olduklarında mezbûr Nasûh takrîr-i da‘vâ kılıp eyitdi ki karye-i mezbûra tâbi‘ bir kıt‘a yer ki hudûd bir cânibi Çalabverdi yerine ve bir tarafı Şaban ile Karaca yerine ve bir taraf tarîk-i âma muttasıl yerin nısf-ı şâyi‘ini müvekkilim Mehmed’in babası yüz akçeye iştirâ edip babasından intikāl etmiştir deyicek mezbûr Resul inkâr edip mezbûr Nasûh’dan beyyine taleb olunup Yusufhan b. Yenice ve Murad b. Mehmed biz şâhidleriz ve şehâdet ederiz mezkûr Mehmed’in babası Mahmud b. Abdullah yüz akçeye bey‘-i örfiyle alıp tasarruf ederken fevt oldu deyû şehâdet-i şer‘iyye edâ ettiklerinde bi’t-taleb sicil olundu. Vaka‘a’t-tahrîr fî evâili Saferi’l-muzaffer sene 954. Şuhûdü’l-hâl: Muhyiddin Halîfe b. Dâvud el-Hatîb, Ali Fakīh b. Üveys, Musa b. İsa, Ömer b. Ali.