Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 159 Hüküm no: 267 Orijinal metin no: [38b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şaban b. Abdullah’ın câriye satışından ettiği zararı Ali b. Abdullah’tan istemesi Vech-i tahrîr-i sicil budur ki Samandıra nâm karye[den] Şaban b. Yusuf ve Mehmed b. Hüseyin meclis-i şer‘a hâzırân olduklarında mezbûr Şaban takrîr-i da‘vâ kılıp eyitdi ki, Ali b. Abdullah nâm kimesneden bir câriyeyi, beni vekîl edip al deyip ba‘dehu vekâlet ile var bey‘ et ziyânı benim olsun dedikde bey‘ edip yüz [yirmi?] beş akçe ziyân etti hâliyâ senden taleb ederim dedikde mezbûr Mehmed vekâlet gıbbe’l-inkâr mezbûr Şaban’dan beyyine taleb olunup Hasan b. Kaya ve Hasan b. (__) biz şâhidleriz ve şehâdet ederiz, mezkûr Mehmed’in vekîli olup câriye[yi] aldı var benim için (__) eyle (__) olsun dedi ve (__) [39a] şer‘iyye edâ ettiklerinde ba‘de’t-tezkiyye şâhidân-ı mezbûrânın şehâdetleri hayyiz-i kabûlde vâki‘ olup zikr olunan meblâğ hükm olundu bi’t-taleb sicil olundu. Vaka‘a’t-tahrîr fî evâili Saferi’l-muzaffer sene 954. Şuhûdü’l-hâl: Musa b. Mustafa, Musa b. İsa, Ömer b. Ali, Ramazan b. Hüseyin, Hasan b. Abdullah.