Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 170 Hüküm no: 292 Orijinal metin no: [43a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kısıklı’da mutasarrıf Şâhî b. Süleyman’ın vergileri sipahilere teslim ettiği Vech-i tahrîr-i sicil budur ki Karye-i Kısıklı’dan Şâhî bt. Süleyman meclis-i şer‘de takrîr-i kelimât edip eyitdi ki, mutasarrıfe olduğum yerin on iki yıldan beri öşrden ve resmden olan[ını] hâliyâ sipâhi olan Ömer Çelebi b. Musa Bey’e vekâleti sâbit oldukdan sonra teslîm ettim dedikde mezbûr Ömer Çelebi dahi bi’l-muvâcehe târih-i kitâba gelince öşürden ve resmden bir akçe ve bir habbe kalmadı, bi’l-vekâle aldım kabûl ve kabz ettim dedikde ikrâr-ı şâyi‘i’l-mezbûre talebi ile kayd-ı defter olundu. Vaka‘a’t-tahrîr fî evâhiri Rebî‘ilâhir sene 954. Şuhûdü’l-hâl: Mustafa Çelebi b. İshak, Mehmed Çelebi b. Ali, Sinan Bey b. Abdullah, Abdi b. Hasan, Alagöz Bey b. Abdullah, Çelebi b. Hasan ve gayruhüm.