Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 173 Hüküm no: 301 Orijinal metin no: [44b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çengelköy hasılatındaki zararı âmil Dimitri b. Buber’in ödediği Vech-i tezkire oldur ki Karye-i Çengel’in âmilleri olan Nikola b. Kefale Yorgi ve Dimitri b. Buber meclis-i şer‘a hâzırân olduklarında mezbûr Nikola takrîr-i kelâm kılıp eyitdi ki, sene selâse ve hamsîne ve tis‘a mi’e yılında vâki‘ olan kabzlarımız ba‘de’l-hesâb ve’l-iktisâb bana bin akçe verip hâsılların kabz ettim mezkûr Dimitri dahi zimmetinde bir akçe ve bir habbe kalmadı deyicek mezbûr Dimitri dahi bi’l-muvâcehe ikrâr edip ziyân için bin akçe verip zimmetinde bâkī kalmadı deyicek tarafeynden sâdır olan ikrârları bi hasebi’ş-şer‘i’ş-şerîf şer‘an mu‘teber görülüp sene-i mezbûr hâsıllarından mezkûr Dimitri zimmetinin berâ’atine hükm olundu bi’t-taleb sicil olundu. Vaka‘a’t-tahrîr fî evâili Cemâziyelevvel sene 954. Şuhûdü’l-hâl: Ahmed b. Ali el-Çavuş Dergâh-ı a‘lâ, Mustafa b. Abdullah es-Silâhî, Mustafa b. Hamza er-Râcil, Karaca b. Yusuf, câbi Ahmed b. Hızır, Ramazan b. Hüseyin el-Muhzır, İvaz b. Yusuf el-Kâtib, Kosta b. Markova, Dimitri b. Markova, Gore b. Yani, Birilyos? [b.] Yani ve gayruhüm.