Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 184 Hüküm no: 334 Orijinal metin no: [48b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi b. İlyo’nun emanet parayı Maltepe âmili İlya’ya ödemesi Vech-i tahrîr-i sicil budur ki Karye-i Maltepe’nin hâliyâ âmili İlya nâm Yahudi şerî‘at mahfilinde karye-i mezbûrdan Yorgi b. İlyo nâm zimmî muvâcehesinde ikrâr ve i‘tirâf edip eyitdi ki sende bir levend yüz akçe emânet komuşdur taleb ederim dedikde mezbûr Yorgi inkâr edip gıbbe’l-inkâr beyyine taleb olunup âciz olundukda mezbûr Yorgi’ye yemîn teklîf olunup yemînden nükûl ettikde yüz akçe hükm olundu ki bi’t-taleb sicil olundu. Vaka‘a’t-tahrîr fî evâsıtı Cemâziyelâhir sene 954. Şuhûdü’l-hâl: Ramazan b. Hüseyin, Hasan b. Abdullah, Aleksi b. Yani, Sefer Çelebi b. Mustafa.