Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 201 Hüküm no: 390 Orijinal metin no: [56a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Teodora bt. Yani’nin evin avlusunu ölen kocasından mehir olarak alması Vech-i tahrîr-i sicil budur ki Karye-i Maltepe’den Teodora bt. Yani ve üvey oğlu Yani b. Mihal meclis-i şer‘a hâzırân olduklarında mezbûre Teodora takrîr-i da‘vâ kılıp eyitdi ki zevcim Mihal b. Riçine hâl-i hayâtında beni aldığı vaktinde sâkin olduğu evin hayâtıyla içinde bir batarasıyla bana mehir verdi dedikde mezbûr Yani inkâr edip gıbbe’l-inkâr beyyine taleb olunup Papa Yorgi b. Plakide ve Manol b. Todora nâm zimmîler biz şâhidleriz ve şehâdet ederiz mehir için bana verdi dediklerinde ba‘de’t-tezkiyye hayyiz-i kabûlde vâki‘ olup zikr olunan evin hayâtıyla ve içinde bir batara ile mezbûre Teodora’ya hükm olundu bi’t-taleb sicil olundu. Vaka‘a’t-tahrîr fî evâhiri Şa‘bâni’l-mu‘azzam sene 954. Şuhûdü’l-hâl: Ali b. Yahya, Ali Sofu b. Mehmed, Fotinoz b. Yani, Mehmed b. Abdullah er-Râcil.