Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 208 Hüküm no: 410 Orijinal metin no: [58b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kara Lütfi b. Mehmed’in İbrahim b. Nasuh’u dövmesi Vech-i tahrîr-i sicil budur ki Karye-i Ka[va]klı’da sâkin olan İbrahim b. Nasûh ve Kara Lütfi b. Mehmed meclis-i şer‘a hâzırân olduklarında mezbûr İbrahim takrîr-i da‘vâ kılıp eyitdi ki dağdan odun kesip eve gelirken yolum basıp öküzlerim koyuverip bana te‘addî etti dedikde mezbûr Lütfi’den suâl olundukda ben tarla içinde öküzlerin koyuverip şerî‘ate gel dedim deyû ikrâr bi’t-taleb sicil olundu. Fî evâili Şevvâli’l-mükerrem sene 954. Şuhûdü’l-hâl: Mevlânâ Muhyiddin Halîfe b. Dâvud el-Hatîb, Murad b. Mehmed, Şaban b. Musa ve gayruhüm.