Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 210 Hüküm no: 416 Orijinal metin no: [59a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Ağa Zâviyesi’nin Yorgi b. Arabacı’ya değirmen kiraladığı Vech-i tahrîr-i sicil budur ki Merhûm İbrahim Ağa zâviyesine câbi olan Eynehan b. Osman meclis-i şer‘a hâzır olup zâviye-i mezbûr evkāfından iki ocak değirmen ki harâbe müşrif olup sene 954 Zilka‘desi gurresinden yıl tamâmına dört yüz akçeye icâreye verdim işbu Yorgi b. Arabacı’ya dedikde mezbûr Yorgi mertek verip ve harcıma ziyâde eder kimesne olıcak harcıma kefîl olurki dört yüz akçeye kabûl ettim deyicek sıhhat-i akd-i icâre mukarrer olup bi’t-taleb sicil olundu. Vaka‘a’t-tahrîr fî evâhiri Şevvâli’l-mükerrem sene 954. Kefîl bi’l-mâl Dimitri b. Tıranoz. Şuhûdü’l-hâl: Ramazan b. Hüseyin, Mihal b. Yorgi, Dimitri b. Yani, Manol Küçük ve gayruhüm.