Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 222 Hüküm no: 455 Orijinal metin no: [63b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Murad b. Ali’nin katır bedelinden Nazar b. Gaybi’den alacağını tahsil ettiği Vech-i tahrîr-i sicil budur ki Murad b. Ali nâm katırcının Ahmed Çelebi b. Hasan ve Şaban b. Mehmed şehâdet[iy]le vekâleti sâbit olan Mustafa b. Mehmed ve Nazar b. Gaybî Elaksamol? meclis-i şer‘a hâzırân olduklarında mezbûr Mustafa takrîr-i kelâm kılıp eyitdi ki müvekkilim Murad b. Ali nâm katırcının katır bahâsından senede altı yüz elli akçe hakkı vardır hâliyâ vekâleti ile taleb ederim dedikde mezbûr Nazar inkâr edip gıbbe’l-inkâr mezbûr vekîlden beyyine taleb olunup udûl-i müslimînden Pîrî Fakīh b. Hacı Hızır ve Kaya oğlu b. Mehmed ve Durmuş b. Dündar dediler ki bizim huzûrumuzda sen ikrâr edip katır bahâsından altı yüz elli akçe deynimdir deyû ikrâr ettin deyû şehâdet-i şer‘iyye edâ ettiklerinde ba‘de’t-tezkiyye hayyiz-i kabûlde vâki‘ olup zikr olan meblağ-ı mezkûr Nazar’dan hükm olunub mezkûr vekîl alıp kabûl ve kabz edip bi’t-taleb sicil olundu. Vaka‘a’t-tahrîr fî evâsıtı Muharremi’l-harâm sene 955. Şuhûdü’l-hâl: İbrahim b. Hızır, Mustafa b. Ayas, Hacı Halil b. Umur, Receb b. Mesud, Yakub Bey b. Abdullah.