Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 240 Hüküm no: 504 Orijinal metin no: [69b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çengelköy âmili Todora b. Yani’nin araziyi Kosta b. Yorgi’ye tapuya verdiği Vech-i tezkire oldur ki Karye-i Çengel’e âmil olan Todora b. Yani ve Bâli b. Todora nâm âmiller meclis-i şer‘a hâzırân olduklarında şöyle takrîr-i kelâm kılıp eyitdiler ki, tahmînen otuz yıl mikdârı yeri zirâ‘at ve hirâset olmayıp boz ve mu‘attal olduğu ecilden karye-i mezbûrdan işbu sâhibü’s-sicil Kosta b. Yorgi’ye otuz akçe resm-i tapusun aldık verdik dediklerinde hudûd bir taraf Dolabçı Mihal bağına ve bir taraf Töke bağına ve bir taraf müşteriyyü’l-mezbûr bağına ve bir taraf Aklogoz tarlasınadır dediklerinde mezbûr Kosta tasdîk ettikde sıhhat-i akd-i tapuya hükm olundu ki bi’t-taleb sicil olundu. Vaka‘a’t-tahrîr fî evâili Rebî‘ilâhir sene 953. Şuhûdü’l-hâl: Ramazan b. Hüseyin, Dimitri b. Markova, Todora b. Kosta, Kaçaroz Nikola b. Dimitri, Dimitri b. Mihal.