Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 249 Hüküm no: 531 Orijinal metin no: [72b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yusuf b. Abdullah’ın ölen keşişteki hizmet alacağını kefil Mihal b. Nikola’dan alması Vech-i tezkire oldur ki Karye-i Maltepe’den Yusuf b. Abdullah ve Mihal b. Nikola meclis-i şer‘a hâzırân olduklarında mezbûr Yusuf takrîr-i da‘vâ kılıp eyitdi ki mürd olan keşişde ben yedi ay dört yüz akçeye hizmet etmeğe kavl edip üç buçuk ay hizmet ettim sen kefîl bi’l-mâl oldun mezkûr keşiş mürd olup senden taleb ederim dedikde mezbûr Mihal inkâr edip mezbûr Yusuf’dan beyyine taleb olunup İstemad b. Manol ve Fotinoz b. Yani müdde‘â-i mukarreresine muvâfık şehâdet-i şer‘iyye ettiklerinden sonra mezbûr Mihal ikrâr edip bir aya hizmet etmeğe kefîl oldum deyû ikrâr bi’t-taleb sicil olundu ve mezkûr keşiş emlâkinden bir kıt‘a bağı bulunup ahâlî-i karyede mezâd olunup üç yüz elli akçeye Fotinoz b. Yani zimmetinde karâr edip bi’t-taleb sicil olundu. Vaka‘a’t-tahrîr fî evâsıtı Cemâziyelevvel sene 953. Şuhûdü’l-hâl: Kara Yusuf b. Abdullah, Ramazan b. Hüseyin, Papa Yorgi b. Plakide, Dimitri b. Tıranoz, Papa Aleksi b. Tıranoz, Toma b. Kosta, Papa Yani b. Dimitri, Virtoz b. Yani.