Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 252 Hüküm no: 542 Orijinal metin no: [73b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Veli b. Resul ve Dimitri b. Todora’nın birbirlerine vurmaları Vech-i tahrîr-i sicil budur ki Karye-i Samandıra’dan Veli b. Resul ve Dimitri b. Todora meclis-i şer‘a hâzırân olduklarında mezbûr Veli ikrâr edip eyitdi ki çayırım içine koyun koyup ben dahi darb ettim ol dahi beni darb etti dedikde mezbûr kâfir inkâr edip gıbbe[’l-inkâr] mezbûr Veli’den beyyine taleb olunup Ahmed b. Sülemiş? ve Musa b. Mehmed nâm kimesneler biz şâhidleriz ve şehâdet ederiz koyun ağaç altında eğrekde yatarken mezbûr Veli varıp çoban Dimitri[’yi] darb etti ve mezbûr Dimitri dahi bir çomak ile darb etti ba‘de deyû şehâdet-i şer‘iyye edâ ettiklerinde ba‘de’t-tezkiyye hayyiz-i kabûlde vâki‘ olup bi’t-taleb sicil olundu. Vaka‘a’t-tahrîr fî evâili Cemâziyelâhir sene 955. Şuhûdü’l-hâl: Fi’l-a‘lâ.