Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 255 Hüküm no: 551 Orijinal metin no: [74b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İlyas b. Abdullah’ın Karagöz b. Mustafa’nın hizmetine girdiği Vech-i tahrîr-i sicil budur ki Çingenler zümresinden Karagöz b. Mustafa şerî‘at mahfilinde İlyas b. Abdullah muvâcehesinde takrîr-i kelâm kılıp eyitdi ki sene 955 Recebi’nin gurresinden bir yılı üç yüz akçeye hüsn-i ihtiyârımla nefsim icâreye verdim sene-i mezbûru içinde hizmet etmeğe kavl ettim ve eğer gaybet edersem bin akçeye deyn lâzım olsun dedikde mezbûr İlyas vicâhen ve şifâhen tasdîk edip meblağ-ı merkūm bi’t-tamâm mezbûr Karagöz aldım kabûl ve kabz ettim ve zarar-ı malına ve zarar-ı hizmete anası Hasnâ bt. Abdullah kefîl bi’l-mâl olup bi’t-taleb sicil olundu. Vaka‘a’t-tahrîr fî evâhiri Cemâziyelâhir sene 955. Şuhûdü’l-hâl: Usta Hasan b. Musa, Çırak Mahmud b. Mehmed, Ramazan b. Hüseyin, Mustafa b. Mehmed ve gayruhüm.