Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 264 Hüküm no: 577 Orijinal metin no: [77b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Mihal’in bağıyla ilgili eşi Ödege bt. Papaz ile damadı Dimitri b. Todora’nın anlaşmazlığı Vech-i tahrîr-i sicil budur ki Karye-i Kadı’dan Dimitri b. Todora ve kayın anası Ödege bt. Papaz meclis-i şer‘a hâzırân olduklarında mezbûr Dimitri takrîr-i da‘vâ kılıp eyitdi ki kayın atam Mihal fevt olup bir kıt‘a bağı kalıp kızına intikāl edip hâliyâ kızı fevt olup nısfı bana intikāl etti dedikde mezbûre Ödege, mezbûr zevcim fevt olup nısfı beytülmâl olup ben beytülmâl zevâbıtı Ali b. Musa’dan sekiz yüz akçeye bey‘ edip aldım dört yüz akçesin teslîm ettim dedikde mezbûr Dimitri bey‘i inkâr edip gıbbe’l-inkâr beyyine taleb olunup Hızır b. Ahmed ve Ahmed b. Nebi bi lâfz ve’l-ma‘nâ edâ-i şehâdet-i şer‘iyye edâ ettiklerinde ba‘de’t-ta‘dîl hayyiz-i kabûlde vâki‘ olup bi’t-taleb sicil olundu. Vaka‘a’t-tahrîr fî evâhiri Recebi’l-mürecceb sene 955. Şuhûdü’l-hâl: Yorgi Macar, Kosta Galata, Dimitri b. Kapsal.