Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 267 Hüküm no: 585 Orijinal metin no: [78b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimitri b. İstemad’ın Andriye b. Yani’ye borçlu olduğu Vech-i tahrîr-i sicil budur ki Karye-i Çengel’den Dimitri b. İstemad ve Andriye b. Yani Semendre meclis-i şer‘a hâzırân olduklarında mezbûr Dimitri takrîr-i da‘vâ kılıp eyitdi ki mukāta‘a ile bir bostan tutup hıyar ekib ba‘dehu hesâb ve kitâb edip cümle harcı çıkarır doksan akçe ortadan alıp ziyâde olmaya dedikde mezbûr Andriye hesâb ve’l-kitâb olduğuna inkâr edip benim ortada dört yüz akçe hakkım vardır deyip mezbûr Dimitri’den hesâb olduğuna beyyine taleb olunup Yorgi b. Dimitri ve Yorgi b. Mihal nâm zimmîler biz şâhidle[riz] ve şehâdet ederiz ikisi birbiriyle hesâb ve’l-kitâb edip mezbûr Andriye’nin ortada hemen doksan akçe[si] kaldı deyû şehâdet-i şer‘iyye edâ ettiklerinde ba‘de’t-ta‘dîl şehâdetleri hayyiz-i kabûlde vâki‘ olup bi’t-taleb sicil olundu. Vaka‘a’t-tahrîr fî evâili Şa‘bâni’l-mu‘azzam sene 955. Şuhûdü’l-hâl: Mahmud Çelebi b. Sinan, Ali b. Mehmed, Ramazan b. Hüseyin, Hasan b. Abdullah, Kosta b. Markova, Nikola b. Dimitri, Manol b. Minho, Kosta b. Yorgi.