Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 274 Hüküm no: 606 Orijinal metin no: [80a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Marola’nın Dökine bt. Yorgi’ye hakaret etmesi Vech-i tahrîr-i sicil budur ki Karye-i ( ) Dökine bt. Yorgi ve Marola bt. ( ) zevce-i Karaca Yorgi meclis-i şer‘a hâzırân olduklarında mezbûre Dökine takrîr-i da‘vâ edip dedi ki rospi deyip ve dahi şer‘a muhâlif bana şetm etti dedikde mezbûre Marola inkâr edip gıbbe’l-inkâr mezbûre Dökine’den beyyine taleb olunup âciz oldukda mezbûre Marola’ya âyin-i bâtılları üzre yemîn teklîf olunup üç def‘a yemînden nükûl edip bi’t-taleb sicil olundu. Vaka‘a’t-tahrîr fî evâsıtı Şa‘bân sene 955. Şuhûdü’l-hâl: Ali b. Abdullah, Ramazan b. Hamza, Hasan b. Abdullah, Duka b. Yorgi Kethüdâ, Papa Kosta b. Petrik.