Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 66 Hüküm no: 9 Orijinal metin no: [2a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Istabl-ı âmireye ait otların Eynehan b. Osman’a satıldığı Vech-i tahrîr-i sicil budur ki Karye-i Kadı’da vâki‘ olan Istabl-ı Âmire’de hâssa atlar için hâzır olan otlukların bir yığını çürüyüp helâk olmak ihtimâli vardır, bey‘ olunması lâzımdır, bey‘ edesiz deyû tezkire-i şerîf vârid olup ber-mûceb-i tezkire-i şerîf beyne’t-tâlibîn mezâd olup üç bin üç yüz akçeye Eynehan b. Osman zimmetinde karâr edip ziyâde eder kimesne olmayıp mezkûra bey‘ olundu, satıp akçesin vermek şartı ile mâ-hüve’l-vâki‘ kayd-ı defter olundu ve zarar-ı malına Hızır b. Mehmed kefîl bi’l-mâl olup, vaka‘a’t-tahrîr fî evâili Recebi’l-mürecceb sene 956. Şuhûdü’l-hâl: Ali b. Mehmed, Ramazan b. Hamza, Hasan b. Mürüvvet, Baba Kaya b. Mehmed, Hasan b. Durmuş ve gayruhüm.