Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 71 Hüküm no: 29 Orijinal metin no: [3b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi b. Nikola’nın Mihal b. Yani’nin oğlu Aleksi’yi dövme ve tecavüz davasından berat ettiği Vech-i tahrîr-i sicil budur ki Karye-i Çengel’den Mihal b. Yani şerî‘at mahfilinde takrîr-i da‘vâ kılıp dedi ki işbu müşârün-ileyh Yorgi b. Nikola benim sagīr oğlum Aleksi’yi darb ve tutup vat’ etti dedikde mezbûr Aleksi’den bi’l-muvâcehe su’âl olunup inkâr edip gıbbe’l-inkâr mezbûr Mihal’den sıdk-ı makāline muvâfık beyyine taleb olunup âciz oldukdan sonra mezbûr Yorgi’ye âyin-i bâtılları üzere İncil’e yemîn teklîf olunup mezbûr Mihal talebi ile yemîn verip husûs-ı kazıyyeden mezkûr Yorgi’nin zimmetinin berâetine hükm olunup bi’t-taleb sicil olundu. Vaka‘a’t-tahrîr fî evâsıtı Zilka‘de sene 955. Şuhûdü’l-hâl: Kara Yusuf b. Abdullah, Ramazan b. Hüseyin, Hasan b. Abdullah, Gore b. Yani, Petroz b. Nikola, Istırati b. Dimo, Neccâr Manos b. Kosta, Nikola b. Poli, İstefan b. Dimitri, Kosta b. Marko, Yorgi b. Dimitri ve gayruhüm.