Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 79 Hüküm no: 51 Orijinal metin no: [6a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çengelköy’deki boş arazinin Mihal b. Nasturi’ye tapulandığı Vech-i tahrîr-i sicil budur ki Karye-i Çengel’e hâliyâ âmil olan Gore b. Yani ve Nikola b. Poli meclis-i şer‘a hâzırân olduklarında takrîr-i da‘vâ kılıp eyitti ki karye-i mezbûr yerlerinden bir kıt‘a yeri sekiz yıl mikdârı hâlî ve mu‘attal yer olup kānûn üzere tapuya müstahik olup dediklerinde hudûd bir cânibi Manol Doğan bağına ve bir cânibi Margarika bağına diğer cânibi Dimitri yerine bu hudûd ile mahdûd olan yeri işbu müşârün-ileyh Mihal b. Nasturi’ye iki yüz yetmiş akçeye tapuya verdim dediklerinde mezbûr Mihal vicâhen tasdîk ettikden sonra sıhhat-i akd-i tapu mukarrer olup hükm olundu. Cerâ zâlike ve hurrire fî evâsıtı Muharremi’l-harâm sene 956. Şuhûdü’l-hâl: Mütevellî Şah Çelebi b. Seydi Çelebi, Karaca b. Yusuf, Kara Yusuf b. Abdullah, Yahya b. İlyas, Mustafa b. Mehmed, Papa Yani b. Nikola ve gayruhüm.