Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 81 Hüküm no: 57 Orijinal metin no: [7a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bekir b. Mahmud’a ait ineğe fiyat takdiri Vech-i tahrîr-i sicil budur ki Karye-i Yakacık’da sâkin olan Ahmed b. Abdullah nâm yeniçeri ve Bekir b. Mahmud meclis-i şer‘a hâzırân olduklarında mezbûr Bekir takrîr-i da‘vâ kılıp eyitti ki sen kolluğa? benim bir camus ineğimi iki yerde çalıp mecrûh edip dedikde ol mahallin üzerine varıp görülmek lâzım olmak için yevmî düşenbih gün[ü] üzerine varılıp kol aldıkda üzerin[e] varılıp mezbûr Ahmed gelmeyip ehl-i hıbresiyle ineğe bahâ ta‘yîn olmak görülüp dört yüz akçe ineğe bahâ ta‘yîn olundu deyû ehl-i hıbre cevâblarıyla mezbûr talebi ile kayd-ı defter olundu. Vaka‘a’t-tahrîr fî evâhiri Muharremi’l-harâm sene 956. Şuhûdü’l-hâl: Saru b. Nasûh, Burhan b. Ahmed, Mustafa b. Mehmed, Ramazan b. Hüseyin, Validin b. Yaya Davud ve gayruhüm.