Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 83 Hüküm no: 61 Orijinal metin no: [7b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Koçi b. Solak’ın bağını kasap Karaca b. Sarıca’ya sattığı Vech-i tahrîr-i sicil budur ki Kasab Karaca b. Sarıca nâm kimesne karye-i Kadı’dan Koçi b. Solak nâm Çingene[yi] ihzâr edip mezbûr Koçi ikrâr edip dedi ki karye-i mezbûr bağlarından bir kıt‘a bağımı hudûd bir cânibi Kara İstemad bağına ve bir cânibi Dimitri bağına ve bir cânibi Çavuş mezrû‘una ve bir cânibi Neccâr Yani bağına bu cümle hudûd içre olan bağı işbu sâhibü’s-sicil Kasab Karaca b. Saruca’ya bin beş yüz akçeye bey‘ ettim, kabz-ı semen ve teslîm-i mebî‘ ettim dedikde mezbûr Karaca vicâhen tasdîk edip bi’t-taleb sicil olundu. Vaka‘a’t-tahrîr fî evâili Saferi’l-muzaffer sene 956. Şuhûdü’l-hâl: Ahmed b. Yunus en-ne‘âl, Sefer b. Süleyman, Şaban b. Abdullah en-ne‘âl, Ahmed b. Nebi, İsâ? b. Mehmed, İskender b. Abdullah.