Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 88 Hüküm no: 79 Orijinal metin no: [9b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Duka b. Tıranoz’un Abdi b. Hasan’a bağ sattığı Vech-i tahrîr-i sicil budur ki Karye-i Çengel’den Duka b. Tıranoz meclis-i şer‘de ikrâr ve i‘tirâf edip dedi ki karye-i mezbûr yerlerinde vâki‘ olan bir kıt‘a bağımı hudûd bir cânibi Eflahoz Dimitri bağına ve bir cânibi kendimin hâlî yerine ve bir cânibi Kalinoz bağına ve bir cânibi Nikola bağına, bi-cümle hudûd ve hukūk ile işbu sâhibü’s-sicil Abdi b. Hasan’a nısfı şâyi‘in altı yüz elli akçeye [bey‘-i] bât ile bey‘ edip kabz-ı semen ve teslîm-i mebî‘ ettim dedikde bi’l-muvâcehe Abdi vicâhen tasdîk ettikden sonra sıhhat-i akd-i bey‘ mukarrer olup bi’t-taleb kayd olundu. Vaka‘a’t-tahrîr fî evâili Rebî‘ayn sene 956. Şuhûdü’l-hâl: Hoca Abdullah b. Yahşi, Süleyman b. Davud el-mukâteb, Sarumuş b. Hüseyin, Abdülaziz b. Mehmed, Turgud Çelebi b. Murad Bey, Hüseyin b. Ali, Çalab b. Hasan, Burhan b. Hasan, Hızır b. Musa.