Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 97 Hüküm no: 104 Orijinal metin no: [12a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Ali’nin Hasan b. Süleyman’ın eşi ile işaretleştiği Vech-i tahrîr-i sicil budur ki Karye-i Samandıra’dan Hasan b. Süleyman şerî‘at mahfilinde takrîr-i da‘vâ kılıp eyitti ki işbu müşârün-ileyh Mehmed b. Ali benim hâtunum Halime bt. Yakub Fakīh işâret edip ve söyledin deyicek mezbûr Mehmed’den su’âl olundukda inkâr edip gıbbe’l-inkâr mezbûr Hasan’dan beyyine taleb olunup âciz oldukda mezbûr Mehmed’e yemîn teklîf olunup dedi ki hayır ve şer‘ yemîn etmek âdetim değildir, yemîn etmezin deyû yemînden nükûl edip ta‘zîr olunup Hasan talebi ile kayd-ı defter olundu. Vaka‘a’t-tahrîr fî evâhiri Rebî‘ayn sene 956. Şuhûdü’l-hâl: Muhiddin Halîfe b. Davud el-Hatîb, Ömer b. Karagöz el-müezzin, Şaban b. Yusuf, Musa Kethüdâ b. İsâ, Hasan b. Mürüvvet, Murad b. Mehmed, Şaban b. Seyyid Ahmed ve gayruhüm.