Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 118 Hüküm no: 170 Orijinal metin no: [19a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çengelköy âmili Eynehan b. Osman’ın kiraya yer verdiği Vech-i tahrîr-i sicil budur ki Karye-i Çengel’e hâliyâ câbi olan Eynehan b. Osman meclis-i şer‘a hâzır olup eyitti ki sene hamse ve hamsîn ve tis‘a mie Zilka‘desi gurresinden üç yıla yetmiş sekiz bin akçeye Gore b. Yani mukāta‘aya almış idi, hâliyâ Manol b. Nikola ve Bendelyos b. Yani ve Dimitri b. Buber nâm zimmîler beş yüz akçe ziyâde edip, ibtidâ-i târihten üç yıla yetmiş sekiz bin beş yüz akçeye mültezim olduklarında ve zarar-ı mâllarına kefîl taleb olunup ve Kosta b. Markova ve Yani b. Nikola nâm zimmîler kefîl bi’l-mâl olup dedikde mezbûrûn zimmîler vicâhen ve şifâhen tasdîk edip sıhhat-i akd-i mukāta‘a mukarrer olup bi’t-taleb kayd olundu. Vaka‘a’t-tahrîr fî evâhiri Cemâziyelâhir sene 956. Şuhûdü’l-hâl: Mustafa b. Mehmed, Kara Yusuf b. Abdullah, Mehmed b. Hızır, Papa Yani b. Nikola, Manol b. Papa Yani ve gayruhüm mine’l-hâzırîn