Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 119 Hüküm no: 173 Orijinal metin no: [19a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Altuntaş b. Kobaldin ile eşi Sabur bt. Mürüvvet’in muhâlaa yoluyla boşandıkları Vech-i tahrîr-i sicil budur ki Karye-i Soğanlık’dan Altuntaş b. Kobaldin meclis-i şer‘a gelip zevcesi Sabur bt. Mürüvvet Fakīh kıbelinden Abdi b. Mustafa ve Yakub b. Ahmed şehâdetleriyle vekâleti sâbit olan Malkoç b. Hamza muvâcehesinde ikrâr edip dedi ki zevcem Sabur ile nafaka-i ıddetden ve mehr-i müeccelden ve ba‘zı esbâb verdi, ondan ferâgat etmek üzere hul‘ edip dedikde mezbûr vekîl dahi ikrâr edip dedi ki nafaka-i ıddetden ve mehrinden ve esbâb da‘vâsından zevc ile zevceyn arasında olan da‘vânın küllîsi üzere olan hul‘ı kabûl ettim deyicek mezbûr Altuntaş dahi bu hul‘ üzere bâ’in talâk verip sıhhat-i hul‘ mukarrer olup hükm olundu. Vaka‘a’t-tahrîr fî evâhiri Cemâziyelâhir sene 956. Şuhûdü’l-hâl: Nebi Halîfe b. Mehmed, Mahmud b. Ahmed, Musa b. İsâ, Saru b. Nasûh, Hüseyin b. Cevher, Bayezid b. İvaz, Durasan b. İsâ, Mehmed b. Hasan, Osman b. Abdullah el-bezdâr, Üveys b. Bahşayiş, Çalabverdi b. Kobaldin