Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 120 Hüküm no: 176 Orijinal metin no: [19b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Ağa’nın Şaban b. Süleyman’a yer tapuladığı Vech-i tahrîr-i sicil budur ki Karye-i Bulgurlu timarına hâliyâ sipâhi olan Ahmed Ağa cânibinden vekîl-i ve kethüdâsı olan Abdi b. Hasan meclis-i şer‘a hâzır olup eyitti ki bir kıt‘a hâlî yer ki tapuya müstahak olup hudûd bir cânibi İmirza sınırına ve iki taraf kûhî taşa ve bir taraf büyük kireç ocağına muttasıl[dır], işbu sâhibü’s-sicil Şaban b. Süleyman’a yirmi akçeye tapuya verdim dedikde mezbûr Şaban dahi tasdîk edip sıhhat-i akd-i tapu mukarrer olup bi’t-taleb kayd olundu. Vaka‘a’t-tahrîr fî evâhiri Cemâziyelâhir sene 956. Şuhûdü’l-hâl: Çalab b. Hasan, Âşık b. Hasan, Burhan b. Hasan, Ramazan b. Hüseyin, İmirza b. Sevindik, Saru Musa b. Hüseyin ve gayruhüm