Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 125 Hüküm no: 192 Orijinal metin no: [21a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kosta b. Yorgi’nin İlyas ve Cafer’e bostan sattığı Vech-i tahrîr-i sicil budur ki Karye-i Kadı’dan Cehud? Kosta b. Yorgi meclis-i şer‘de ikrâr edip eyitti ki karye-i mezbûr yerlerinden bir kıt‘a bostanı ki mahdûddur, bir cânibi deryâya ve bir cânibi Turgud Çelebi tarlasına ve bir cânibi Nasûh tarlasına ve bir cânibi Yusuf Çelebi tarlasına bu hudûd ile mahdûd olan bostanı içinde iki dolabı ve kuyusuyla ve bir sirân? kuyusuyla ve eşcâr-ı müsmiresiyle tavâbi‘i ve levâhıkı ile ve ekilmiş lahanası ve patlıcanı işbu sâhibü’s-sicil İlyas ve Cafer veledân-ı Ali’ye dört bin yüz akçeye bey‘- i bât ile bey‘ edip kabz-ı semen ve teslîm-i mebî‘ kıldım dedikde mukırr-ı mezbûru mukarrün-lehümü’l-mezbûrlar vicâhen ve şifâhen tasdîk ettikden sonra sıhhat-i akd mukarrer olup hükm olundu ki bi’t-taleb sicil olundu. Vaka‘a’t-tahrîr fî evâhiri Recebi’l-mürecceb sene 956. Şuhûdü’l-hâl: Süleyman b. Ebri, Ramazan b. Hüseyin, Mustafa b. Mehmed, Kara Hüseyin b. Sinan, Hızır b. Ahmed, Süleyman b. Şaban, Mustafa Bey b. Abdullah, Yusuf Çelebi b. Mustafa, Hasan b. Mürüvvet, Cafer b. Hızır, Ahmed b. Nebi, Yorgi b. Manol ve Yuvan, Gore b. Köfaz?